Minkult znoŭ admoviŭsia ŭnieści BAŽ u pieralik tvorčych sajuzaŭ
Ministerstva kultury druhi raz admoviłasia ŭnieści HA «Biełaruskaja asacyjacyja žurnalistaŭ» u pieraklik tvorčych sajuzaŭ krainy. Pra heta havorycca ŭ adkazie ministerstva na zvarot arhanizacyi, jaki byŭ adpraŭleny miesiac tamu, piša baj.by
U zvarocie HA «BAŽ» padkreślivałasia, što try čverci siabraŭ arhanizacyi źjaŭlajucca tvorčymi rabotnikami, jakija zajmajucca tvorčaj žurnalisckaj dziejnaściu. Najaŭnaść publikacyj u srodkach masavaj infarmacyi praviarajecca padčas pryjomu ŭ siabry arhanizacyi. Da zvarotu była prykładziena kopija statuta hramadskaha abjadnańnia.
Taksama HA «BAŽ» padkreślivaje, što ad samaha pačatku ŭ pieralik tvorčych sajuzaŭ byŭ uklučany Biełaruski sajuz žurnalistaŭ — arhanizacyja, siabry jakoj zajmajucca absalutna anałahičnaj tvorčaj dziejnaściu.
Niahledziačy na heta, u adkazie Ministerstva kultury paviedamlajecca, što pradstaŭlenyja dakumienty nie ŭtrymlivajuć źviestak ab tym, što HA «BAŽ» dziejničaje ŭ metach realizacyi tvorčych zdolnaściaŭ tvorčych rabotnikaŭ, raźvićcia tvorčaha patencyjału i tvorčaj inicyjatyvy hramadzian u śfiery kultury.
Pieršy raz Biełaruskaja asacyjacyja žurnalistaŭ i Biełaruski PEN-centr prasili ŭnieści arhanizacyi ŭ pieralik tvorčych sajuzaŭ u sakaviku minułaha hoda. Adnak abodva abjadnańni tady atrymali admovu.