Ciažarnaja žančyna biez nahi źniałasia ŭ ščyraj fotasiesii: «My bačym mała prykładaŭ sa štodzionnaści ludziej ź invalidnaściu» FOTY
U 13 hod praz dyjahnastavany rak Kryście Kuciur amputavali levuju nahu. Siońnia jana pačuvaje siabie dobra i rychtujecca stać maci.
Krysta kaža, što daŭno zadumałasia nad fotasiesijaj. Ciažarnyja žančyny časta fatahrafujucca z žyvatom, kab zafiksavać hety ščyślivy momant žyćcia, ale Krysta amal nikoli nie sustrakała, kab hierainiami takich fotazdymkaŭ stanavilisia, naprykład, ludzi ź invalidnaściu.
«My bačym vielmi mała ludziej ź invalidnaściu, jakija b rabili štodzionnyja rečy. Heta mohuć być spartsmieny, halivudskija zorki, jakija robiać niejkija natchnialnyja rečy. Ale ŭbačyć niešta sa štodzionnaści — zamaloŭki taho, jak być baćkam ci maci, — znajści ciažka», — raspaviała Kuciur The Independent.
Mienavita tamu jana i vyrašyłasia na fotasiesiju. Z pratezam i bieź jaho. Žančyna vielmi pieražyvała, ale zastałasia zadavolenaja vynikami. «Ličycca, što ludzi ź invalidnaściu nie zdolnyja na mnohija rečy samastojna. Ja chaču, kab maje fota byli častkaj ruchu pa narmalizacyi ich usprymańnia».