Prync Uiljam i Kiejt apublikavali damašnija FOTA svaich dziaciej
Hiercah i hiercahinia Kiembrydžskija apublikavali pieršyja damašnija zdymki novanarodžanaha prynca Łui, na adnym ź jakich jaho całuje starejšaja siastra pryncesa Šarłota, paviedamlaje Bi-Bi-Si.
Fota zroblena 2 maja — u treci dzień narodzinaŭ Šarłoty.
Na druhim fota, zroblenym 26 krasavika, pryncu Łui ŭsiaho try dni.
Prync Džordž, jakomu ŭ lipieni spoŭnicca piać hadoŭ, na hety raz na fota nie trapiŭ.
Aŭtarka dvuch zdymkaŭ — sama Kiejt, hiercahinia Kiembrydžskaja.
Pres-słužba Kiensinhtanskaha pałaca paviedamiła, što prync Uiljam i Ketryn byli rady padzialicca hetymi dziciačymi fota.
«Ich karaleŭskija vysokaści chočuć padziakavać prostym žycharam za atrymanyja ciopłyja pažadańni paśla naradžeńnia prynca Łui i da dnia naradžeńnia pryncesy Šarłoty», — havorycca ŭ paviedamleńni.
Prync Łui źjaviŭsia na śviet 23 krasavika ŭ łondanskaj lakarni Sent-Mery ŭ Padynhtanie. Heta treciaje dzicia hiercaha i hiercahini Kiembrydžskich.
