U Lisabonie startuje «Jeŭrabačańnie» — čyrvonaja darožka sioleta budzie siniaj
Aficyjnaje adkryćcio 63-ha konkursu «Jeŭrabačańnie» adbudziecca 6 maja ŭ stalicy Partuhalii. Pieršy paŭfinał projdzie 8 maja, druhi — 10-ha, a finał konkursu pryznačany na 12-je.
Padčas cyrymonii adkryćcia ŭdzielniki projduć pa siniaj darožcy. Arhanizatary źmianili jaje koler z tradycyjnaha čyrvonaha praź sioletni deviz «Usie na bort!».
The #ESC2018 Blue Carpet is ready to host our 43 Delegations tomorrow. Here's an exclusive sneak peek of what it's going to look like. #AllAboardpic.twitter.com/rlWHeGUv8O
Dla ŭračystaści abrali Muziej mastactvaŭ, architektury i technałohij. Heta sučasny budynak, što mieścicca na nabiarežnaj histaryčnaha rajona Bielen. Z dachu muzieja, jaki adkryty dla haściej, možna nazirać cudoŭnyja krajavidy Lisabona i raki Težu.
U hetyja dni ŭ stalicu Partuhalii pryjechali 43 udzielniki «Jeŭrabačańnia», siarod ich — Alekseev, jaki budzie pradstaŭlać Biełaruś ź pieśniaj «Forever». Jon vystupić u pieršym paŭfinale pad numaram 8. Akramia jaho, u hety dzień numary pakažuć pradstaŭniki 18 inšych krain.