U Łondanie zatrymali 50 krakadziłaŭ
U łondanskim aeraporcie Chitroŭ zatrymali 50 krakadziłaŭ, uładalniki jakich parušyli praviły pieravozki dzikich žyvioł. Pra heta paviedamlaje Bi-bi-si.
Ich sprabavali zavieźci ŭ Vialikabrytaniju z Małajzii dla raźviadzieńnia na fiermie na miasa. Padčas padarožža 30-santymietrovyja krakadziły bilisia adzin z adnym, bo dla ich nie było dastatkova volnaha miesca: u kožnym ź piaci kantejnieraŭ pavinna było raźmiaščacca 4 krakadziły, ale pieravozčyki źmiaścili pa 10 u kožny. U vyniku adna z reptylij zahinuła.
Krakadziłaŭ kanfiskavali zhodna Kanviencyi ab mižnarodnym handli vidami dzikaj fauny i fłory, jakija znachodziacca pad pahrozaj źniknieńnia (SITES). Pradstaŭniki Choum-ofisa (Ministerstva ŭnutranych spraŭ Vialikabrytanii) paviedamili, što im znojduć novy dom.
SITES - mižnarodnaje pahadnieńnie, padpisanaje 169 dziaržavami, ustupiła ŭ siłu ŭ 1975 hodzie. Meta kanviencyi - źbierahčy dzikich žyvioł i raśliny ad vymirańnia ŭ vyniku handlu. Z momantu padpisańnia dakumienta nivodny ź vidaŭ, jakija znachodziacca pad jaje abaronaj, nia vymier pa hetaj pryčynie.
