BČ zapuścić dadatkovyja ciahniki na marskija kurorty
Biełaruskaja čyhunka ŭ novym turystyčnym siezonie zapuskaje novyja maršruty da kurortaŭ Čornaha, Azoŭskaha i Bałtyjskaha mora.
U dadatak da ŭžo isnujučych maršrutaŭ u kirunku Adlera, Anapy, Minieralnych Vod, Adesy, z 1 červienia pa 21 vieraśnia adnaŭlaje svajo štodzionnaje kursiravańnie ciahnik mižnarodnych linij №100/99 Minsk—Novaalaksiejeŭka z pryčapnoj hrupaj bieśpierasadačnych vahonaŭ da Biardzianska.
Ciahnik №94/93 Minsk—Adesa z pryčapnoj hrupaj bieśpierasadačnych vahonaŭ Baranavičy—Minsk—Chierson u letni pieryjad budzie kursiravać štodnia.
Taksama z 10 červienia pa 7 vieraśnia Biełaruskaja čyhunka prapanuje pasažyram maršrut da Bałharskaha ŭźbiarežža Čornaha mora Minsk—Varna praź Lvoŭ, Ivana-Frankoŭsk i Bucharest. Ciahnik №451 budzie adpraŭlacca ź Minska 10, 15, 22, 27 červienia, 4, 9, 16, 21, 28 lipienia, 2, 9, 14, 21, 26 žniŭnia, 2, 7 vieraśnia ŭ 17.38 i prybyvać u Varnu ŭ 10.30 12, 17, 24, 29 červienia, 6, 11, 18, 23, 30 lipienia, 4, 11, 16, 23, 28 žniŭnia, 4, 9 vieraśnia adpaviedna.
Z Varny ciahnik №452 budzie adpraŭlacca 12, 17, 24, 29 červienia, 6, 11, 18, 23, 30 lipienia, 4, 11, 16, 23, 28 žniŭnia, 4, 9 vieraśnia ŭ 18.45, i prybyvać u Minsk 14, 19, 26 červienia, 1, 8, 13, 20, 25 lipienia, 1, 6, 13, 18, 25, 30 žniŭnia, 6, 11 vieraśnia ŭ 11.09 adpaviedna.
Na Bałtyjskaje ŭźbiarežža možna dabracca ciahnikom Minsk—Ryha, zrabiŭšy pierasadku ŭ Ryzie da Jurmały. Ciahnik adpraŭlajecca ź Minska pa niacotnych čysłach u 20.38, prybyćcio ŭ Ryhu — 08.28; z Ryhi pa cotnych čysłach u 20.00, prybyćcio ŭ Minsk — 07.50.
Taksama dajechać da Bałtyjskaha mora možna štodnia ciahnikom №805/806, a pa vychadnych dniach dadatkovym ciahnikom №801/802 Minsk—Vilnius ź pierasadkaj u Vilniusie da Pałanhi.
Akramia taho, z 1 červienia pa 29 vieraśnia padoŭžany maršrut ruchu ciahnika №371/372 Mahiloŭ—Lvoŭ da Truskaŭca.
Ciahnik budzie kursiravać praź dzień adpraŭleńniem pa niacotnych čysłach z Mahilova i pa cotnych čysłach z Truskaŭca.
Z Mahilova ciahnik budzie adpraŭlacca ŭ 15.40, Minska — 19.43, Baranavičaŭ — 22.35 i prybyvać u Truskaviec na nastupnyja sutki ŭ 13.20.
Z Truskaŭca ciahnik budzie adpraŭlacca ŭ 15.00 i prybyvać na nastupnyja sutki ŭ Baranavičy ŭ 6.33, Minsk — 9.21, Mahiloŭ — 13.25.
Da Lvova i nazad ciahnik idzie ź dziejučym raskładam.
