Biełaruś raspracoŭvaje vysokadakładny hranatamiotny kompleks
Biełaruś prezientavała na mižnarodnaj azijackaj vystavie ŭzbrajeńnia i vajskovaj techniki «DSA — 2018» vysokadakładnaje procitankavaje ŭzbrajeńnie, paviedamlaje Dziaržkamvajenpram.
«Hranatamiotny kompleks MM-60 kalibra 60 mm uklučaje transpartna-puskavy kantejnier (TPK) z šmatcelevaj reaktyŭnaj hranataj i prybor kiravańnia ahniom. Pry hetym TPK mohuć apieratyŭna ŭmacoŭvacca i ŭtvarać šmatstvolnuju sistemu, a puskavyja prystasavańni, prymacavanyja da luboha TPK, zdolny kiravać stralboj kožnaha TPK asobna abo zabiaśpiečvać załpavuju stralbu sa šmatstvolnaj sistemy», - raspaviali ŭ kamitecie.
Pavodle infarmacyi viedamstva, kompleks pryznačany dla baraćby z sučasnymi asnoŭnymi bajavymi tankami, braniravanymi, lohkabraniravanymi i niebraniravanymi celami, paražeńnia žyvoj siły praciŭnika ŭ srodkach indyvidualnaj bronieabarony ŭ bunkierach, dzotach, lohkich chovankach palavoha typu, zbudavańniach haradskoha i sielskaha typaŭ.
Jak adznačyli ŭ DVPK, raźlik kompleksu składaje 1-2 čałavieki.
