Eks-vakalist Deep Purple pakinuŭ aŭtohraf na kardyjahramie ŭ minskaj balnicy
Džo Lin Ternier, 66-hadovy eks-vakalist hurta Deep Purple, jakoha dva tydni tamu špitalizavali ŭ Minsku ź infarktam, pakinuŭ aŭtohraf na svajoj kardyjahramie i paviedamiŭ, što idzie na papraŭku. Fota sa svaim podpisam na EKH śpiavak apublikavaŭ u Facebook.
Da fatahrafii na aficyjnaj staroncy artysta pakinuty podpis: «Kali tvaja miedsiastra vielmi miłaja, kab supraciŭlacca». Raniej žonka śpievaka, juryst-mižnarodnik ź Biełarusi Maja Kozyrava, paviedamiła, što stan zdaroŭja Džo stabilny, jon znachodzicca ŭ humory, atrymlivaje nieabchodnuju miedycynskuju dapamohu i prachodzić fizičnuju reabilitacyju dla poŭnaha adnaŭleńnia.
U «Haradskuju kliničnuju balnicu chutkaj miedycynskaj dapamohi» artyst trapiŭ ź infarktam 14 krasavika. U Minsku Džo žyŭ razam sa svajoj žonkaj — jurystam-mižnarodnikam Majaj Kozyravaj.
