U Breście ŭ valutčyka kanfiskavali 24 tysiačy dalaraŭ, jakija jamu pakinuli siabry dla kupli žylla
27 krasavika sud Maskoŭskaha rajona Bresta kanfiskavaŭ u žychara horada 60 tysiač rubloŭ, jakija toj atrymaŭ ad niezakonnych valutna-abmiennych apieracyj, piša Tut.by.
Abvinavačany niezakonna mianiaŭ hrošy trojčy. Pieršy raz, u pačatku śniežnia minułaha hoda, jon abmianiaŭ 50 dalaraŭ na 100 rubloŭ. Druhi raz, u kancy hoda, jon kupiŭ 70 dalaraŭ za 140 rubloŭ. Treciaja ździełka ŭ karjery valutčyka akazałasia najbujniejšaj. Mužčyna abmianiaŭ 30 tysiač dalaraŭ na 60 150 rubloŭ. Pry hetym z 30 tysiač dalaraŭ tolki 6 tysiač naležali valutčykam. 24 tysiačy dalaraŭ jamu pakinuli siabry z Rasii dla kupli ŭ Biełarusi kvatery.
«Sud pryznaŭ mužčynu vinavatym u niezakonnaj pradprymalnickaj dziejnaści i pryznačyŭ 300 bazavych vieličyń štrafu (7350 rubloŭ)», — paviedamiła Tut.by staršy pamočnik prakurora horada Bresta Iryna Rubanava.
Akramia taho, sud kanfiskavaŭ 60 150 rubloŭ, na jakija abvinavačvany abmianiaŭ 30 tysiač dalaraŭ, a taksama pa poźvie prakuratury abaviazaŭ vypłacić u dachod dziaržavy 240 rubloŭ dachodu, atrymanaha złačynnym šlacham.
Prysud nie ŭstupiŭ u zakonnuju siłu i moža być abskardžany.
