U Amierycy zahinuŭ biełarus: sarvaŭsia z atrakcyjona «Ahniavoje koła»
Biada adbyłasia nočču 26 krasavika na kirmašy ŭ horadzie Alaksander (štat Ałabama).
45-hadovy mužčyna biez strachoŭki zalez na 9-mietrovuju vyšyniu — apieratar paprasiŭ jaho dapamahčy pravieryć detal atrakcyjona. Paśla da atrakcyjona padyšoŭ inšy supracoŭnik, jaki zahadaŭ mužčynu spuścicca. Toj paśliznuŭsia i ŭpaŭ na ziamlu, paviedamlaje ABC.
Atrakcyjon «Vohniennaje koła»
Biełarusa advieźli ŭ balnicu, dzie jon pamior.
Akruhovy koranier raspavioŭ ałabamskamu partału al.com, što zahinuły pracavaŭ z atrakcyjonami kala 20 hadoŭ. Mužčyna pracavaŭ na atrakcyjonie sa skačkami na viaroŭcy, jaki staić pa susiedstvie z «Vohniennym kołam».
Pa słovach koraniera, mužčyna zvaniŭ svajoj maci ŭ Biełaruś kožny tydzień. Ci jość u biełarusa svajaki ŭ ZŠA, nieviadoma, ale ž sam jon žyŭ adzin u domiku na kołach.
