Pjany padletak sprabavaŭ skraści ŭ kramie harełku i piva
16-hadovy žychar Minskaha rajona, znachodziačysia ŭ stanie ałkaholnaha apjanieńnia, sprabavaŭ skraści plašku harełki i piva ŭ staličnaj kramie, paviedamlaje HUUS Minharvykankama.
Uziaŭšy plašku harełki i piva, 16-hadovy padletak nakiravaŭsia da vychadu.
Chłopca zaŭvažyła pradaviec kramy i pasprabavała pieraškodzić jamu vyjści. Žančyna, utrymlivajučy dźviery, paklikała pa dapamohu inšaha pradaŭca, adnak junak uciok. Śledam za padletkam pabieh achoŭnik kramy. U vyniku chłopiec byŭ zatrymany i dastaŭleny ŭ inśpiekcyju pa spravach niepaŭnaletnich (ISN) Centralnaha RUUS Minska.
Zatrymany źjaŭlajecca studentam adnaho sa staličnych kaledžaŭ, znachodzicca na ŭliku ŭ ISN. Chłopca zaraz mohuć nakiravać u śpiecyjalizavanuju škołu zakrytaha typu.
U dačynieńni da zatrymanaha raspačata kryminalnaja sprava pa č. 1 art. 14 (Zamach na złačynstva) i pa č. 1 art. 206 (Rabavańnie) KK Biełarusi.