U krainach ES raście kolkaść zabaronaŭ na našeńnie relihijnaha adzieńnia
Usio bolš krain Jeŭrasajuza płanujuć zakanadaŭča ŭrehulavać našeńnie relihijnaha adzieńnia. Takija zakonaprajekty abmiarkoŭvajucca ci ŭžo byli realizavany ŭ 22 z 28 dziaržaŭ ES, havorycca ŭ daśledavańni hrupy fondaŭ Džordža Sorasa «Adkrytaje hramadstva», apublikavanym u sieradu, piša Deutsche Welle.
Pa dadzienych jaho aŭtaraŭ, u vaśmi krainach ES (Aŭstryja, Bielhija, Bałharyja, Danija, Francyja, Hiermanija, Italija i Ispanija) užo pryniatyja zakony, jakija zabaraniajuć ŭ peŭnych miescach nasić, naprykład, hałaŭnyja ŭbory, jakija zakryvajuć tvar. Pry hetym u piaci z hetych krain zabarony dziejničajuć albo tolki na miascovym uzroŭni, albo taksama i na dziaržaŭnym.
Akramia taho, u 13 krainach ES jość zabarony na relihijnaje adzieńnie ŭ asobnych pryvatnych ci dziaržaŭnych ustanovach i kampanijach.