Łukašenka abvinavaciŭ vialikija dziaržavy ŭ vajnie ŭ Siryi: Što vy tam, jak pieŭni, chodzicie pa hetaj terytoryi adzin pierad adnym?
Alaksandr Łukašenka zaklikaŭ baki kanfliktu ŭ Siryi syści ź jaje i spynić vykarystoŭvać krainu jak palihon dla vyprabavańniaŭ i trenirovak. Pra heta jon zajaviŭ padčas zvarotu da naroda i parłamienta.
Kiraŭnik dziaržavy miarkuje, što situacyja ŭ Siryi dasiahnuła svajoj miažy. I siońnia siryjskamu narodu treba dać mahčymaść vyznačyć svajo žyćcio i los.
— Što jany robiać u hetaj Siryi? Navat hetyja pastajannyja tak zvanyja členy AAN. Užo i majho siabra Antoniu Huteryša (Hienieralny sakratar AAN) uciahnuli ŭ hetuju bojku, jon pa śviecie pajechaŭ, pačaŭ rabić zajavy razam z papam rymskim. A ŭsio ŭ prostym: sydzicie ź Siryi usie i dajcie mahčymaść siryjskamu narodu vyznačyć svajo žyćcio i los. Što vy tam, jak pieŭni, chodzicie pa hetaj terytoryi adzin pierad adnym, pakazvajecie svaju moc i siłu, trenirujecie tam vojska ci jašče niešta. I nam raspaviadajuć, jakaja biednaja Siryja i jak vy dapamahajecie joj tam. Spynicie vykarystoŭvać Siryju jak palihon dla vyprabavańniaŭ i trenirovak, — skazaŭ jon.
