G7 zaklikała Rasiju spynić «destabilizujučyja pavodziny»
Reuters.com
Ministry zamiežnych spraŭ krain «Vialikaj siamiorki» — Kanada, Francyja, Hiermanija, Italija, Japonija, Vialikabrytanija, ZŠA — u svajoj sumiesnaj zajavie pa vynikach dvuchdzionnaha samita ŭ Taronta abvinavacili Rasiju ŭ «biezadkaznych i destabilizujučych pavodzinach».
«My addanyja abaronie i prasoŭvańniu mižnarodnaj sistemy, zasnavanaj na praviłach. Hetamu supiarečyć biezadkaznyja i destabilizujučyja pavodziny Rasii, u tym liku ŭmiašalnictva ŭ demakratyčnyja sistemy krain. My zaklikajem Rasiju spynić takija pavodziny, što vielmi niehatyŭna adbivajucca na pierśpiektyvach kanstruktyŭnaha supracoŭnictva», — skazana ŭ sumiesnaj zajavie.
Paralelna kiraŭniki MZS krain G7 zaklikajuć Rasiju «vykonvać svaje mižnarodnyja zabaviazańni, u tym liku abaviazki jak pastajannaha člena Rady Biaśpieki AAN pa padtrymańni miru i biaśpieki ŭ śviecie». «Niahledziačy na heta, my budziem praciahvać supracoŭničać z Rasijaj u vyrašeńni rehijanalnych kryzisaŭ i hłabalnych prablem», — skazana ŭ zajavie.
