Žančyny ŭ Saudaŭskaj Aravii abjadnalisia suprać zavyšanych taryfaŭ na kursy kiravańnia aŭtamabilami
Pačynajučy z červienia, u Saudaŭskaj Aravii žančynam, narešcie, budzie dazvolena jeździć za rulom. Jak piša Elle, na hetym tydni žančyny karaleŭstva pačali dzialicca ŭ internecie malunkami, jakija śviedčać ab tym, što žančynam davodzicca płacić za kursy kiravańnia značna bolš, čym mužčynam.
Žančyny z dośviedam kiravańnia (naprykład, tyja, čyje mužy abo členy siamji ich navučali) pavinny prajści 30 hadzin navučańnia, tym, chto nie maje dośviedu, patrabujecca 90 hadzin. Siaredni košt adnoj hadziny kiravańnia składaje 60-75 ryałaŭ, to bok žančyny biez dośviedu buduć płacić amal 1800 dalaraŭ, kab atrymać paśviedčańnie kiroŭcy. Dla mužčyn heta kaštuje trochi bolš za 100 dalaraŭ.
Saudaŭskija žančyny asudzili niespraviadlivaść u Twitter. Tam ža paŭstali dyskusii ab dobraachvotnikach, jakija hatovyja navučać inšych biaspłatna. Usich žadajučych zaklikajuć raźmiaščać post z teham #iam_ready_to_train_you (#iahatovaja_treniravać_ciabie).
#مستعده_ادرب
“together hand in hand” ♥️ pic.twitter.com/RBM8Wgxgcx
Pad hetym chešteham pačali prapanoŭvać svaju dapamohu jak žančyny, tak i mužčyny, jakija ŭmiejuć kiravać mašynaj. Takim čynam tyja, u kaho niama vopytu, mohuć atrymać jaho z vałanciorami, a zatym im spatrebicca ŭsiaho 30 hadzin navučańnia, što dazvolić zekanomić kala 900 dalaraŭ.
