Adkryty novy vid murašoŭ, jakija vybuchajuć, kab źniščyć supiernika
U trapičnych lasach vostrava Barnea navukoŭcy vyjavili novy vid murašoŭ, jakich nazvali Colobopsis explodens. Kab abaranić surodzičaŭ, jany achviarujuć saboj niezvyčajnym sposabam. Daśledavańnie apisvajecca ŭ časopisie ZooKeys.
Fota: zookeys.pensoft.net
U baraćbie za murašnik hetyja nasiakomyja vybuchajuć, vypyrskvajučy na supiernika atrutnuju śliź. Sam muraš adrazu hinie, a voś abjekt paražeńnia moža i vyžyć.
Takija pavodziny, jak tłumačać entamołahi, źviazanyja z tym, što murašynaja kałonija padobnaja da adzinaha arhanizma, dzie kožnaje nasiakomaje — jak asobnaja kletka, što vykonvaje svaju funkcyju.
Adnak, jak vyjaviłasia, nie ŭsie murašy vybuchajuć pry sustrečy z voraham. Achviarujuć saboj tolki samyja małyja asobiny, u toj čas jak bolš bujnyja prosta zakryvajuć saboju ŭvachody ŭ murašnik.