Sarhsian pakinuŭ pieramovy z apazicyjaj, Pašynian zatrymany
TASS
Niekalki chvilin tamu ŭ chodzie pratestnaha šeścia ŭ jerevanskaj abščynie Erebuni byŭ zatrymany lidar apazicyjnaha ruchu Nikoł Pašynian, pieradaje armianskaja słužba Radyjo Svaboda.
U ciapierašni čas palicyjanty z užyvańniem siły zatrymlivajuć udzielnikaŭ ruchu.
Ad minułaha paniadziełka ŭ Armienii prachodziać akcyi pratestu suprać abrańnia byłoha prezidenta Sierža Sarhsiana premjeram krainy. Sarhsian byŭ prezidentam Armienii z 2008 hoda. Zaraz zhodna z kanstytucyjaj hałoŭnaj asobaj u krainie budzie premjer (h.zn. znoŭ Sarhsian).
Siońnia Sierž Sarhsian spyniŭ pieramovy z Pašynianam, jakija prachodzili ŭ haścinicy «Maryjot».
Pavodle jaho słoŭ, apazicyjnaja frakcyja «Jełk», jakuju ŭznačalvaje Pašynian, nabrała «7-8% hałasoŭ i nie maje prava havaryć ad imia narodu». Sarhsian adznačyŭ, što pieramovy z apazicyjaj pa fakcie źjaŭlajucca «ŭltymatumam, šantažom dziaržavy i zakonnych uładaŭ». Jon taksama paraiŭ Pašynianu «viarnucca ŭ zakonnaje pole i miežy łahičnych dziejańniaŭ».
«Z nami nichto nie advažvajecca havaryć na movie pahroz. Vy nie ŭjaŭlajecie sabie situacyju ŭ krainie, ułada ŭ Armienii pierajšła ŭ ruki naroda», — adkazaŭ lidar frakcyi «Jełk».
«Kali vy nie prymajecie zakonnych patrabavańniaŭ dziaržavy, da pabačeńnia», - skazaŭ na zakančeńnie Sarhsian i pakinuŭ haścinicu «Maryjot», dzie prachodzili pieramovy.
