Iran pryhraziŭ adnavić jadziernuju prahramu paśla vychadu ZŠA z uhody
Reuters.com
Kali prezident ZŠA Donald Tramp vyrašyć vyjści ź jadziernaj ździełki ź Iranam i nie praciahnie zamarožvańnie sankcyj, to Tehieran adnović svaju jadziernuju prahramu «ź jašče bolšaj intensiŭnaściu». Pra heta ministr zamiežnych spraŭ Irana Machamad Džavad Zaryf zajaviŭ u intervju telekanału CBS News.
«Nam davodzicca mieć šerah varyjantaŭ dziejańniaŭ, hetyja varyjanty hatovyja, u tym liku tyja, što ŭklučajuć u siabie adnaŭleńnie našaj aktyŭnaści ŭ jadziernaj śfiery ź jašče bolšaj intensiŭnaściu», — skazaŭ jon. Zaryf taksama dadaŭ, što suśvietnaja supolnaść nie moža zaklikać u adnabakovym paradku Iran prytrymlivacca ździełki, kali ź jaje vyjduć ZŠA.
Raniej Zaryf paabiacaŭ, što ŭ vypadku razryvu ździełki Iran prymie miery, jakija «buduć vielmi niepryjemnymi dla amierykancaŭ».