Demakratyčnaja partyja ZŠA padała ŭ sud na Rasiju
Nacyjanalny kamitet Demakratyčnaj partyi ZŠA padaŭ u sud na Rasiju, vybarčuju kampaniju Donalda Trampa i WikiLeaks za ŭmiašalnictva ŭ vybary prezidenta Amieryki ŭ 2016 hodzie. Heta vynikaje z dadzienych sajta fiederalnaha suda Manchietena, kudy pastupiŭ pazoŭ.
Pa dadzienych ahienctva, partyja śćviardžaje, što vysokapastaŭlenyja pradstaŭniki vybarčaj kampanii Trampa zhavarylisia z rasijskim uradam z metaj nanieści ŭron kandydatu ŭ prezidenty ad demakrataŭ Chiłary Klintan i dapamahčy Trampu, uzłamaŭšy kampjutary Demakratyčnaj partyi i raspaŭsiudziŭšy znojdzienyja ŭ ich dakumienty.
«Padčas prezidenckaj kampanii ŭ 2016 hodzie Rasija pačała tatalny nastup na našu demakratyju, i jana znajšła dobraachvotnaha i aktyŭnaha partniora ŭ hetym u asobie kamandy pa arhanizacyi kampanii Donalda Trampa»,
— havorycca ŭ zajavie staršyni Nacyjanalnaha kamiteta Demakratyčnaj partyi Toma Pieresa.
