Time nie ŭklučyŭ Pucina ŭ śpis samych upłyvovych ludziej śvietu
Časopis Time apublikavaŭ śpis 100 samych upłyvovych ludziej śvietu pa stanie na 2018 hod. U jaho ŭpieršyniu za apošnija piać hadoŭ nie trapiŭ prezident Rasii Uładzimir Pucin.
U novy śpis u katehoryju «Lidary» ŭvajšli prezident ZŠA Donald Tramp, brytanski prync Hary i jaho niaviesta Miehan Markł, staršynia Dziaržaŭnaj rady KNDR Kim Čen Yn, kiraŭnik KNR Si Czińpin, prezident Francyi Emanuel Makron, mer Łondana Sadzik Chan, premjer-ministr Kanady Džaścin Trudo, śpiecprokuror ZŠA, jaki rasśleduje mierkavanaje ŭmiašańnie Rasii ŭ vybary, Robiert Miuler i inšyja.
Śpis tradycyjna dzielicca na niekalki katehoryj. Akramia «Lidaraŭ» tam jość adździeły «Kumiry», «Artysty», «Navatary», «Tytany».
Pucin uvachodziŭ u śpis samych upłyvovych lidaraŭ čatyry hady zapar — z 2014 pa 2017 hod. Time uklučaŭ jaho ŭ hety rejtynh taksama ŭ 2002 i 2008 hadach.