U Mieksicy znajšli manietu z nacysckaj svastykaj, datavanuju 2039 hodam FOTA
Žychar Mieksiki znajšoŭ manietu «z budučyni», paviedamlaje brytanskaje vydańnie Daily Star.
Rabotnik adnoj ź mieksikanskich budoŭlaŭ Dyjeha Aviles (Diego Aviles) znajšoŭ kavałak mietału pravilnaj formy. Kali mužčyna vyvučyŭ znachodku, to byŭ vielmi ździŭleny: na kavałku mietału, jaki akazaŭsia manietaj, byli adbityja aroł i svastyka. Jašče bolš ździviła mužčynu data, adbitaja na maniecie: 2039 hod.
Na zvarotnym baku maniety krasavaŭsia nadpis: «Alles in einer nation», što značyć «Usie — adna nacyja».
Karystalniki sietki, kudy patrapiła videa z manietaj «z budučyni», vykazvajuć svaje zdahadki. Niechta ličyć, što jana trapiła ŭ naš śviet z paralelnaha suśvietu abo z budučyni, inšyja ž abvinavačvajuć Avilesa ŭ padmanie.
Znachodka pieradadzienaja śpiecyjalistam, ale pakul rastłumačyć pachodžańnie maniety nie atrymałasia.