Novyja ajfony mohuć źjavicca ŭžo praź miesiac: ich zarehistravali ŭ Jeŭrazijskaj ekanamičnaj kamisii
U bazie Jeŭrazijskaj ekanamičnaj kamisii, adkul raniej vyciakała infarmacyja ab AirPods, iPhone 7, novych MacBook i apošnim iPad, źjaviłasia zhadka adrazu ab 11 novych madelach iPhone. Heta zaŭvažyli karespandenty 9to5Mac.
Adzin z kanceptaŭ iPhone SE2
Zvyčajna pryłady traplajuć u bazu za miesiac da aficyjnaha vychadu, tamu možna mierkavać, što novyja iPhone vyjduć užo ŭ traŭni abo červieni 2018 hoda.
Adzinaja zahadka — jaki mienavita heta budzie iPhone. Miarkujecca, što heta nie iPhone 11 abo iPhone X Plus, što pavinny pradstavić u trecim kvartale 2018 hoda, a mienavita iPhone SE2, čutki pra jaki źjavilisia jašče vosieńniu 2017 hoda. Raniej mnohija vydańni mierkavali, što hety biudžetny smartfon Apple pradstavić ŭ sakaviku, adnak tady kampanija abmiežavałasia tolki «ajpadam».