Minharvykankam nie dazvoliŭ kancert jašče adnaho hurta
Siońnia stała viadoma, što kancert hurta RSAC, jaki pavinien byŭ prajści 12 maja, nie adbudziecca. Pryčynaj admieny stała admova ŭ vydačy hastrolnaha paśviedčańnia Minharvykankamam. Pra heta Afisha.tut.by paviedamiŭ arhanizatar mierapryjemstva.
Fota: vk.com/rsac_gestalt
Indyvidualny pradprymalnik Ivan Kanievieha kaža, što atrymaŭ admovu ŭ vydačy hastrolnaha paśviedčańnia na praviadzieńnie kancerta RSAC. Minharvykankam paličyŭ «nizkim» mastacki ŭzrovień hurta. U abhruntavańni admovy viedamstva adsyłaje da punkta 1.3 artykuła 215 Kodeksa Biełarusi ab kultury («zaklučeńnie mastackaha savieta pa kulturna-vidoviščnych mierapryjemstvach pra ich nizki mastacki ŭzrovień vykanańniaŭ, praduhledžanych prahramaj kulturna-vidoviščnaha mierapryjemstva»).
— Maje kalehi vazili artystaŭ pa šeść hadoŭ, a na siomy hod im admaŭlajuć z-za «nizkaha mastackaha ŭzroŭniu». Heta značyć šeść hadoŭ (z toj ža prahramaj vystupleńnia) u hurta byŭ narmalny mastacki ŭzrovień, a ciapier nizki.
Fieliks Bondaraŭ z hurta RSAC užo pryjazdžaŭ u Miensk. Jak kaža arhanizatar kancerta, u składzie inšaha hurta i z «bolš prablemnymi» tekstami. Ale tady «nizkaha mastackaha ŭzroŭniu» ŭ jaho tvorčaści Minharvykankam nie ŭbačyŭ.
