U balnicy Sołśbiery raspaviali pra palapšeńnie stanu Skrypala
Stan atručanaha eks-supracoŭnika HRU Siarhieja Skrypala palapšajecca, ale jon pa-raniejšamu znachodzicca ŭ špitali, paviedamili RBK ŭ akruhovaj balnicy Sołśbiery.
«Paśla incydentu ŭ Sołśbiery 4 sakavika adzin pacyjent (mužčyna va ŭzroście 60 hadoŭ) zastajecca na apiecy akruhovaj balnicy Sołśbiery paśla ŭździejańnia niervova-paralityčnaha rečyva», - dadaŭ pradstaŭnik pres-słužby, paćvierdziŭšy, što havorka idzie pra Siarhieja Skrypala.
Dačka Skrypala Julija, jakaja taksama była atručanaja, vypisałasia z balnicy 10 krasavika. Paśla hetaha Bi-bi-si paviedamiła, što jana znachodzicca ŭ «biaśpiečnym miescy». 11 krasavika hazieta The Sun paviedamiła, što Julija Skrypal była pierapraŭlena sa špitala ŭ Sołśbiery ŭ špital na brytanskaj vajskovaj bazie.