Łaŭroŭ: Adnosiny Rasii z Zachadam horšyja, čym u časy chałodnaj vajny
Rasija nie manipulavała dokazami na miescy mierkavanaha vykarystańnia chimičnaj zbroi ŭ Siryi, zajaviŭ u intervju Bi-bi-si ministr zamiežnych spraŭ krainy Siarhiej Łaŭroŭ.
«Ja harantuju, što Rasieja ničoha nie začyščała na hetym miescy», - zajaviŭ Łaŭroŭ u prahramie HardTalk.
Raniej padobnyja aściarohi vykazvali pradstaŭniki zachodnich dziaržaŭ.
U pryvatnaści, jak paviedamlała ahienctva Rejter, pastajanny pradstaŭnik ZŠA ŭ Arhanizacyi pa zabaronie chimičnaj zbroi Kenet Uord vykazaŭ mierkavańnie, što Rasieja mahła źniščyć dokazy na miescy ataki.
Nakont mierkavanaha vykarystańnia chimzbroi ŭ Siryi, Łaŭroŭ adznačyŭ, što ŭsie dokazy, jakija padajuć zachodnija krainy, zasnavanyja na infarmacyi ŭ ŚMI i sacyjalnych sietkach.
«Niama dokazaŭ, što 7 krasavika ŭ Dumie była vykarystana chimičnaja zbroja. Što sapraŭdy mieła miesca, dyk heta pastanoŭka», - skazaŭ jon.
Jon taksama zadaŭsia pytańniem, čamu ŭdary pa Siryi byli ažyćcioŭleny za sutki da taho, jak na miesca mierkavanaj chimataki pavinny byli prybyć ekśpierty AZCHZ.
Łaŭroŭ zajaviŭ, što pramoj kanfrantacyi pamiž Rasijaj i ZŠA padčas udaraŭ nie adbyłosia dziakujučy dziejnamu kanału suviazi dla kaardynacyi dziejańniaŭ u Siryi.
Pry hetym, na dumku Łaŭrova, adnosiny Rasiei i Zachadu ciapier horšyja, čym byli ŭ časy chałodnaj vajny. Jon taksama zajaviŭ, što ŭdary pa Siryi nie zastanucca biez adkazu.
