Na dnie praliva ŭ Danii znajšli padłodku, mahčyma, z zołatam
Fota: Archive of Modern Conflict London/Handout via Reuters
Marski vajenny muziej u Jutłandyi (Danija) paviedamiŭ pra unikalnuju znachodku — patanułuju niamieckuju padłodku, paviedamlaje narviežski telekanał TV-2 sa spasyłkaj na dacki telekanał TV-2.
6 maja 1945 hoda, kali datčanie byli zaniatyja śviatkavańniem vyzvaleńnia, brytanski samalot B24 Liberator z dapamohaj hłybakavodnych bombaŭ patapiŭ u pralivie Skahierak niamieckuju padvodnuju łodku U-3523.
U svoj čas hetaja padłodka była sapraŭdnym praryvam u technałohijach, źviazanych z budaŭnictvam submaryn.
U zajavie dla presy Muziej piša, što kali b takich padłodak było pabudavana bolš, heta mahło b źmianić chod vajny na mory.
Znachodka stała całkam vypadkovaj: muziej zajmaŭsia svajoj rucinnaj pracaj, źviazanaj z adšukvańniem i naniasieńniem na kartu reštkaŭ sudoŭ u Paŭnočnym mory.
U suviazi z navinoj pra znachodku, inosmi.ru namiakaje na šmatlikija čutki pra pradstaŭnikoŭ nacysckaj viarchuški, jakija ŭciakali na padłodkach, prychapiŭšy z saboj nacysckaje zołata.
U śviatle hetych čutak daśledavańnie znojdzienaj padvodnaj łodki moža ŭjaŭlać vialikuju cikavaść.