Šviejcarskaja łabaratoryja adkazała na słovy Łaŭrova pra atrutu ŭ «spravie Skrypala»
Vysnova brytanskich ekśpiertaŭ z łabaratoryi Partan-Daŭn pra toje, što byłoha pałkoŭnika HRU Siarhieja Skrypala i jaho dačku Juliju atrucili niervova-paralityčnym rečyvam «Navičok», «nie padlahaje sumnievu». Pra heta havorycca ŭ paviedamleńni Šviejcarskaj chimičnaj łabaratoryi ŭ Špicy, jakuju raniej zhadaŭ kiraŭnik MZS Rasii Siarhiej Łaŭroŭ u zajavie nakont atručeńnia Siarhieja Skrypala i jaho dački hazam BZ.
«My možam paŭtaryć toje, što kazali dziesiać dzion tamu: u nas niama sumnievaŭ, što Partan-Daŭn identyfikavała «Navičok». Ich standarty pracy nastolki žorstkija, što ich vysnovy nie padlahajuć sumnievu», — cytuje RBK paviedamleńnie ŭ Twitter šviejcarskaj łabaratoryi.
Only OPCW can comment this assertion. But we can repeat what we stated 10 days ago: We have no doubt that Porton Down has identified Novichock. PD - like Spiez - is a designated lab of the OPCW. The standards in verification are so rigid that one can trust the findings. #Skipalpic.twitter.com/3xp3dBFAdP
Raniej, 14 krasavika, ministr zamiežnych spraŭ Rasii Siarhiej Łaŭroŭ zajaviŭ, što Arhanizacyja pa zabaronie chimičnaj zbroi (AZCHZ) u vynikovym dakładzie nie ŭličyła vysnovy šviejcarskich ekśpiertaŭ, jakija vyvučyli «spravu Skrypala». Pavodle jaho słoŭ, ekśpierty vyjavili prykmiety taho, što ŭ atručvańni mahło vykarystoŭvacca rečyva BZ, jakoje ŭ minułym vykarystoŭvałasia ZŠA i Vialikabrytanijaj. Maskva atrymała infarmacyju pra heta kanfidencyjalna, udakładniŭ Łaŭroŭ.
Były supracoŭnik HRU Rasii Siarhiej Skrypal i jaho dačka Julija byli znojdzienyja biez prytomnaści ŭ brytanskim Sołśbiery 4 sakavika 2018 hoda. Łondan aficyjna zajaviŭ, što jany byli atručanyja jadam typu «Navičok», jaki raspracoŭvaŭsia ŭ Rasii, i abvinavaciŭ rasiejskija ŭłady ŭ vykarystańni bajavoha atrutnaha rečyva na terytoryi karaleŭstva.
Maskva svajo dačynieńnie da atručvańnia nieadnarazova admaŭlała.
Na siońnia Siarhiej Skrypal aprytomnieŭ i moža razmaŭlać, jaho dačku Juliju ŭžo vypisali z balnicy.
