Sabalenka 3-i raz u karjery vyjšła ŭ finał turniru WTA
Fota Dźmitryja Bruško
14 krasavika na spabornictvach z pryzavym fondam 226 750 dalaraŭ u šviejcarskim Łuhana Aryna Sabalenka (№ 61 rejtynhu WTA) praviała adrazu dva matčy ŭ adzinočnym razradzie. Spačatku ŭpeŭniena pieraadoleła čverćfinalny barjer, pieramohšy italjanku Kamiłu Džordžy (№ 59) — 6:3, 6:0. A zatym aformiła vychad u finał, pieramohšy šviejcarku Štefani Fiohiele (№ 119) — 6:4, 6:2.
U finale sapiernicaj Aryny stanie bielhijka Elizie Miertens (№20), jakaja ŭ paŭfinale ŭ niaprostym trochsetavym pajadynku vybiła z turniru inšuju biełarusku — Vieru Łapko (№130) - 6:1, 4:6, 6:4.
Aryna Sabalenka ŭ treci raz u karjery zhulaje ŭ finale turniraŭ WTA. U 2017 hodzie jana vyjhrała turnir u indyjskim Mumbai z pryzavym fondam 115 tysiač dalaraŭ, a taksama dabrałasia da finału spabornictvaŭ u kitajskim Ciańczini (pryzavy fond 426 750 dalaraŭ), dzie jana dramatyčna prajhrała rasijancy Maryi Šarapavaj.