I tut Kitaj: natchnieńnie dla novych kalekcyj biełaruskija dyzajniery Ajpłataŭ i Panaskin znajšli na Uschodzie FOTY
Pavieł Panaskin i Ivan Ajpłataŭ zładzili dzień narodzinaŭ svajho stereabucika ŭ HZC «Arena-sici». Pahladzieć na novuju viasnova-letniuju kalekcyju i pavinšavać dyzajnieraŭ pryjšli pradstaŭniki śvietu mody z usiaho Minska.
Novaja kalekcyja adzieńnia pryznačajecca jak žančynam, tak i mužčynam. Akramia aktualnych trendaŭ siezonu, admietnymi elemientami tut stali ŭschodnija matyvy: ijerohlify i aryhami.
Dyzajnier aksesuaraŭ Pavieł Panaskin u hetym siezonie admoviŭsia ad svaich firmovych vuzielčykaŭ i inšaha dekoru. Novaje ampłua ad PANASKIN stanovicca hiendarna niejtralnym: bolšaść zaplečnikaŭ i torbaŭ lohka ŭpisać jak u žanočy, tak i ŭ mužčynski vobrazy.
Hości mierapryjemstva stali śviedkami stvareńnia łukbuka novaj kalekcyi, jakuju fatohrafy zdymali ŭ impravizavanaj fotastudyi pierad uvachodam u bucik.
Dyzajnier adzieńnia Ivan Ajpłataŭ.
Dyzajnier aksesuaraŭ Pavieł Panaskin.
Jość u rečach ad Ajpłatava i vyklučna minskaja tematyka: tak, na hetym bombiery možna ŭbačyć elemienty vydatnaj miaściny: doma z rusałkami.
