Unuk arhanizavaŭ vytvorčaść samahonu ŭ babulinym sklepie
Žychar Maładziečna arhanizavaŭ vytvorčaść samahonu ŭ sklepie, paviedamlaje UUS Minabłvykankama.
Supracoŭniki milicyi znajšli ŭ žychara Maładziečna samahonny aparat i 1,1 tysiačy litraŭ brahi. Małady čałaviek 1991 hoda naradžeńnia arhanizavaŭ samahonnuju vytvorčaść u vioscy Redźki Maładziečanskaha rajona.
Maładziečaniec ŭstalavaŭ samahonny aparat u sklepie babuli, pabudavanym ŭ 1938 hodzie.
Brahu i samahonny aparat u mužčyny kanfiskavali. Pryznačanaja chimičnaja ekśpiertyza, zaklučeńnie jakoj paćvierdzić, što vadkaść sapraŭdy źjaŭlajecca samahonnaj brahaj.
Žychar Maładziečna paniasie adkaznaść u adpaviednaści z častkami pieršaj i druhoj artykuła 12.43 Kodeksa ab administracyjnych pravaparušeńniach «Vyrab abo nabyćcio mocnych ałkaholnych napojaŭ (samahonu), paŭfabrykataŭ dla ich vyrabu (brahi), zachoŭvańnie aparataŭ dla ich vyrabu».