Siamaška: Biełaruś adnović pieramovy nakont hazu paśla farmiravańnia ŭrada Rasii
Fota Siarhieja Hudzilina
Ułady Biełarusi płanujuć adnavić pieramovy z Rasijaj nakont hazu paśla farmavańnia Maskvoj novaha ŭrada. Pra heta paviedamiŭ TASS vice-premjer biełaruskaha ŭrada Uładzimir Siamaška ŭ kułuarach Krasnajarskaha ekanamičnaha forumu.
«Čakajem farmiravańnia (novaha ŭrada RF paśla inaŭhuracyi prezidenta 7 maja), zrazumieła pa-čałaviečy čamu tak adbyvajecca», - skazaŭ jon. «Heta, biezumoŭna, heta abaviazkovaja ŭmova», - zajaviŭ Siamaška, adkazvajučy na pytańnie, ci čakaje Minsk farmavańnia novaha ŭrada RF dla adnaŭleńnia pieramoŭ pa hazie.
Jon taksama dadaŭ, što abmiarkuje datu pieramovaŭ sa svaim rasijskim kaleham Arkadzie Dvarkovičam 13 krasavika.
«Razmova budzie karotkaj — kali adnoviacca hazavyja pieramovy», - skazaŭ jon. Siamaška adznačyŭ, što zapłanavanyja dla abmierkavańnia i inšyja temy, jakija tyčacca ekanamičnaha supracoŭnictva Rasii i Biełarusi, ale ŭ ramkach tryccacichvilinnaj sustrečy padrabiazna spynicca na kožnym pytańni nie atrymajecca.
Siamaška taksama dadaŭ, što Biełaruś čakaje pastaŭki nafty z RF u 2018 hodzie ŭ abjomie 18 młn ton.
«U nas u bałansie zapisana 24 (młn ton), ale tam jość roznyja schiemy. Realna 18 młn ton my atrymajem, pierapracujem, nas heta całkam zadavalniaje ŭ hetym hodzie», - skazaŭ jon
