Śpiavačka Meraja Kery pryznałasia, što maje psichičny razład
Śpiavačka Meraja Kery ŭpieršyniu publična pryznałasia, što ŭžo 17 hadoŭ zmahajecca ź bipalarnym rasstrojstva.
Jana raspaviała vydańniu People, što heta zachvorvańnie dyjahnastavali ŭ 2001 hodzie paśla niervovaha zryvu, praź jaki jana trapiła ŭ balnicu.
Śpiavačka, jakaja pradała 200 młn dyskaŭ va ŭsim śviecie, paviedamiła, što tolki niadaŭna źviarnułasia pa dapamohu da miedykaŭ.
Pavodle jaje słoŭ, apošnija niekalki hadoŭ byli vielmi składanymi, jaje psichičnaje zdaroŭje paharšałasia i śpiavačka vyrašyła źviarnucca da miedykaŭ.
«Ja paprasiła pra lačeńnie i mnie jaho dali. Akružyła siabie pazityŭnymi ludźmi i ja viarnułasia da zaniatku tym, što lublu — pisać pieśni i stvarać muzyku», — kaža Meraja Kery.
Jana pryznałasia, što pakutavała ad depresij i biassonicy, a tamu zaraz prachodzić terapiju i prymaje leki ad bipalarnaha rasstrojstva.
Bipalarny razład (rasstrojstva) — heta psichičnaje zachvorvańnie, jakoje charaktaryzujecca raptoŭnymi źmienami nastroju — ad varjacka-radasnaha da depresiŭna-pryhniečanaha.