Na MKS dastavili čałaviečuju śpiermu, kab daviedacca, ci mahčyma apładnieńnie ŭ kosmasie
Ekipaž Mižnarodnaj kaśmičnaje stancyi nieŭzabavie razmarozić zapasy śpiermy, dastaŭlenyja na stancyju kaśmičnym karablom Dragon, kab pravieryć, jak pałavyja kletki čałavieka pavodziać siabie ŭ kosmasie, paviedamlajeSpace.com.
Fota: The University of Kansas/Joseph Tash
Pieršyja ekśpierymienty pa razmnažeńni nasiakomych, ryb i inšych žyvioł, jakija pravodzilisia na borcie MKS, pakazali, što ništo nie pieraškadžaje praciahu rodu ŭ biazvažkaści, adnak na prymatach takija daśledavańni nie pravodzilisia.
Pieršyja takija ekśpierymienty na čałaviečych pałavych kletkach pačnucca na borcie MKS u najbližejšyja dni: ekipaž stancyi razmarozić uzory śpiermy i budzie nazirać za ich pavodzinami.
Dla hetaha astranaŭty apracujuć pałavyja kletki dvuma naborami sihnalnych malekuł, jakija imitujuć chimičnaje asiarodździe matki. Adzin ź ich prymusić śpiermatazoidy samastojna ruchacca, a druhi zapuścić reakcyi, jakija papiaredničajuć źlićciu ź jajkakletkaj. Ekipaž stancyi atrymaje niekalki dziesiatkaŭ fotazdymkaŭ kletak, zamarozić ich i adpravić nazad na Ziamlu dla dalejšaha vyvučeńnia.