Donalda Trampa pazbavili zvańnia hanarovaha kazaka ŭ Pieciarburhu
Kazaki ź pieciarburhskaha tavarystva «Irbis» pazbavili prezidenta ZŠA Donalda Trampa zvańnia hanarovaha kazaka na fonie abvastreńnia adnosin pamiž Rasijaj i Amierykaj, paviedamlaje Rosbałt.
«Kali ŭ 2016 hodzie prajšli vybary prezidenta ZŠA i Dziaržduma z šampanskim adznačała pieramohu Trampa i Uładzimir Uładzimiravič Pucin pavinšavaŭ jaho, my na fonie ejfaryi zrabili Trampa hanarovym siabram kazackaha hramadstva. Nie jesaułam, a mienavita hanarovym siabram. My zaprasili novaha prezidenta ZŠA da nas u hości ŭ kazačy chutar, bo mierkavałasia, što ŭ Pieciarburhu, na radzimie Pucina, adbudziecca sustreča z Trampam. Potym palityčnyja padziei pačali raźvivacca nie tak radasna dla nas, jak chaciełasia. I zrazumieŭšy, što my pamylalisia, my pryniali rašeńnie Trampa razžałavać, vyklučyć z hańbaj z arhanizacyi. Što i było zroblena», — skazaŭ staršynia «Irbisa» Andrej Palakoŭ.
U bližejšy čas kazaki źbirajucca ŭračysta spalić pudziła Trampa ŭ Pieciarburhu. «Abaljom bienzinam i spalim razam z amierykanskim ściaham», — paabiacaŭ ataman.
Pavodle jaho słoŭ, pryčynaj takich dziejańniaŭ stała «abraza dziaržavy, a heta nielha tryvać».
