U rasijskich abmieńnikach nazirajecca deficyt valuty
TASS
Čarhovy abvał rasijskaj valuty adbiŭsia na popycie na zamiežnuju valutu: u maskoŭskich abmiennych punktach ažyjataž, a niekatoryja ŭžo sutyknulisia z deficytam — zamović bujnyja sumy nie ŭdajecca. Pra heta paviedamlaje Business.FM.
U adnym z valutnych abmieńnikaŭ karespandentam radyjostancyi skazali, što prablem z kolkaściu najaŭnaj valuty nie majuć i tarhujuć joju pa 66 rubloŭ za dalar i kala 81 rubla za jeŭra. U dźviuch inšych kasach pryznalisia, što valuta chutka skončycca.
«U nas vielmi mała valuty. Zaraz my staim, pradajem valutu 64,90. Kali vy praz hadzinu pryjedziecie, my vam pakiniem. Valuty vielmi mała», — raspaviali ŭ adnym z abmieńnikaŭ, adznačyŭšy, što kursy valut mohuć źmianicca, pakul karespandenty dajeduć da punkta.
U jašče adnym abmieńniku pryznalisia, što 10 tysiač dalaraŭ ci jeŭra abmianiać ŭžo nie atrymajecca — zanadta vysoki popyt.
Na adkryćci tarhoŭ Maskoŭskaj biržy 11 krasavika kurs jeŭra ŭpieršyniu za dva hady pieravysiŭ 80 rubloŭ, dalar padniaŭsia vyšej za 64 rubli.