Zabojstva dziaŭčyny ŭ Hrodnie raskryli praz 17 hadoŭ. Abvinavačanamu pahražaje śmiarotnaje pakarańnie
Uziatyja bijałahičnyja proby ŭ raniej sudzimaha mužčyny dapamahli raskryć zabojstva 2000 hoda, paviedamlaje Śledčy kamitet.
U kancy žniŭnia 2000 hoda ŭ lesie la dziciačaha łahiera ŭ Hrodnie było znojdziena cieła 19-hadovaj dziaŭčyny.
U 2017 hodzie ŭ adnym z adździełaŭ unutranych spraŭ Hrodna pry adpracoŭcy asob, jakija raniej pryciahvalisia da kryminalnaj adkaznaści za ŭčynieńnie asabliva ciažkich złačynstvaŭ, byŭ uziaty bijałahičny materyjał u sudzimaha za zabojstva 51-hadovaha miascovaha žychara. Praviedzieny ekśpiertami analiz pakazaŭ supadzieńnie hienatypu z vyviedzienym ź bijałahičnaha materyjału ź miesca zdareńnia.
Mužčynu zatrymali, kryminalnaja sprava była adnoŭlenaja i pryniata da vytvorčaści hałoŭnym śledčym upraŭleńniem.
Vyśvietlena, što abvinavačany napaŭ na 19-hadovuju dziaŭčynu, jakaja viartałasia dadomu praź les. Mužčyna nanios joj vialikuju kolkaść udaraŭ, a taksama zhvałciŭ. U vyniku z-za cialesnych paškodžańniaŭ jana zahinuła na miescy.
Dziejańni abvinavačanaha kvalifikavany pa č.2 art.139 KK (zabojstva, ździejśnienaje z asablivaj žorstkaściu, spałučanaje sa zhvałtavańniem i hvałtoŭnymi dziejańniami seksualnaha charaktaru, asobaj, jakaja raniej učyniła zabojstva). Mužčyna źmieščany pad vartu.