Xiaomi pradstaviła maleńki kampjutar z hałasavym pamočnikam dla dziaciej
Xiaomi na svajoj kraŭdfandynhavaj placoŭcy pradstaviła pryładu Xiaoxun Children Computer — dziciačy kampjutar z funkcyjaj hałasavoha pamočnika, piša igeekphone.com.
Pavodle apisańnia pryłady, u jaje bazie znachodzicca bolš za try miljony historyj i kazak, jakija virtualny asistent moža čytać pierad snom, 50 000 dyjałohaŭ z roznymi piersanažami, a taksama bolš za dźvie tysiačy navučalnych praktykavańniaŭ.
Da kampjutara možna padklučyć mikrafon dla baŭleńnia času z karaokie.
Baćkoŭski kantrol dazvalaje abmiažoŭvać čas pracy kampjutara. Jon abstalavany 7-calevym IPS-dyspłejem z razroźnieńniem 1024 na 600 punktaŭ, 4-jadziernym pracesaram z taktavaj častatoj u 1,2 HHc, kamieraj z padtrymkaj zapisu Full HD-videa i akumulataram na 4000 mAh. Pracuje pad kiravańniem AS Android 6.0 Marshmallow. Interfiejs zrobleny maksimalna prostym i zrazumiełym dla dziciaci.
U Kitai aparat pa pieradzamovie dastupny za 111 dalaraŭ. Možna mierkavać, što ŭ Biełarusi jon źjavicca niaskora, bo padtrymlivaje pakul tolki anhielskuju dy kitajskuju movy.