Navukoŭcy vyjavili, što sušyłki dla ruk — heta rassadniki bakteryj
Fota: Flickr
U svajoj navukovaj pracy daśledčyki z univiersiteta Kanektykuta dakazali, što sušyłki ŭ hramadskich prybiralniach źbirajuć mikraarhanizmy z usiaho pamiaškańnia i vykidvajuć ich akurat na čystyja ruki karystalnikaŭ.
Navukoŭcy raźmiaścili ŭ hramadskich prybiralniach niekalki spodkaŭ Pietry, zapoŭnienych pažyŭnym rečyvam, u jakim mikraarhanizmy ŭtvarajuć kałonii.
Adnyja spodki navukoŭcy trymali adkrytymi ŭdalečyni ad sušyłak na praciahu dźviuch chvilin, druhija — 18 hadzin, a trecija na 30 siekund źmiaścili pad sušyłki dla ruk na adlehłaści kala 30 santymietraŭ.
Biez sušyłak daśledčyki sabrali ŭ siarednim ad nula da adnoj kałonii bakteryj za dźvie chviliny i kala šaści kałonij za 18 hadzin. Adnak u spodkach Pietry, jakija pabyvali pad sušyłkami, siaredniaja kolkaść kałonij bakteryj skłała ad 18 da 60, a maksimalnaja — ažno 254.
Siarod znojdzienych bakteryj byŭ, naprykład, załacisty stafiłakok, jaki moža vyklikać samyja roznyja, u tym liku ciažkija, zachvorvańni.
Paśla publikacyi vynikaŭ daśledavańnia va ŭsich 36 hramadskich prybiralniach univiersiteta Kanektykuta byli ŭstalavanyja pryłady z papiarovymi ručnikami.
