U Rasii ŭ najnoŭšaha Su-27SM advaliłasia častka chvasta z-za drenna zakručanych bałtoŭ
U Rasii padčas vyprabavańniaŭ najnoŭšaha źniščalnika Su-27SM advaliłasia častka zadniaha chvastavoha apiareńnia. Jak paviedamlaje telehram-kanał Mash, heta adbyłosia jašče ŭ siaredzinie śniežnia 2017 hoda, adnak viadoma pra heta stała tolki ciapier.
Incydent zdaryŭsia na lotnych vyprabavańniach. Samalot piłatavaŭ lotčyk-vyprabavalnik Kitajeŭ. Jak adznačajecca, pierad im była pastaŭlena zadača razahnać bajavuju mašynu da maksimalnaj chutkaści. Kali jana ŭžo nabliziłasia da miažy, piłot pačuŭ hučny voplesk i adčuŭ mocny ryvok korpusa samalota.
Lotčyk praź lusterka zadniaha vidu ŭbačyŭ, što źniščalnik pazbaviŭsia častki kila ź levaha boku. Daśviedčanamu lotčyku ŭdałosia pasadzić samalot i ŭ takim stanie.
Jak paviedamlajecca, na ziamli paśla vyśviatleńnia pryčyn nadzvyčajnaha zdareńnia stali viadomyja dva fakty. Pa-pieršaje, pry stvareńni mašyny byli vykarystanyja niapravilnyja bałty. Pa-druhoje, ich słaba zaciahnuli, ad čaho detal i advaliłasia pry mocnaj nahruzcy.
Paśla hetaha na ŭsich padobnych bartach było vyrašana pravieryć bałty i ich zaciažku.