«Heta halimy bies!» — epičnaje VIDEA, jak daišniki zatrymlivali pjanych pacanoŭ na rajonie, a tyja adbivalisia
7 krasavika minskija daišniki zatrymali dvuch pjanych chłopcaŭ u mikrarajonie Čyžoŭka.
Pa viersii minakoŭ, pjanyja chłopcy ŭtraich spali ŭ mašynie, choć adzin ź ich i siadzieŭ za styrnom, ale ruchavik zaviedzieny nie byŭ.
Pa viersii DAI, milicyju vyklikali vidavočcy, jakija paviedamili, što pjanaja kampanija katajecca pa dvary, piša «Anłajnier».
U vyniku z mašyny vyšli troje chłopcaŭ. Dvoje aktyŭna supraciŭlalisia daišnikam, adzin adciahvaŭ inśpiektara ad svajho siabra, a druhi ŭvohule ŭdaryŭ milicyjanta.
Pryčym videa zdareńnia apublikavali jak milicyjanty, tak i miascovyja žychary, čyje simpatyi akazalisia na baku padvypiŭšych chłopcaŭ.
Chłopcaŭ — 27-hadovaha i 30-hadovaha — zatrymali. Miedahlad vyjaviŭ 1,6 pramile ŭ adnaho i 2,5 u druhoha.
Ciapier Śledčy kamitet pravodzić pravierku, na chłopcaŭ moža być zaviedziena sprava za hvałt u dačynieńni da milicyjanta.