Brytanija nie choča rasśledavać atručvańnie Skrypala sumiesna z Rasijaj
Brytanija ličyć «nienaturalnaj» prapanovu Rasii sumiesna rasśledavać atručvańnie byłoha pałkoŭnika HRU Siarhieja Skrypala i jaho dački Julii, zajavili pradstaŭniki brytanskaj delehacyi ŭ Arhanizacyi pa zabaronie chimičnaj zbroi (AZCHZ), paviedamlaje BBC.
Pradstaŭniki delehacyi prakamientavali rasijskuju prapanovu padčas pasiedžańnia vykanaŭčaha kamiteta AZCHZ ŭ Haazie, dzie abmiarkoŭvajecca atručeńnie Siarhieja i Julii Skrypalej.
«Rasijskaja prapanova ab sumiesnym rasijska-brytanskim rasśledavańni incydentu ŭ Sołśbiery nienaturalnaja. Heta taktyka adciahnieńnia ŭvahi, i budzie jašče bolš dezinfarmacyi z metaj syści ad pytańniaŭ, na jakija pavinny adkazać rasijskija ŭłady», — havorycca ŭ zajavie brytanskaha pradstaŭnictva pry AZCHZ, apublikavanym u «Tvitary» delehacyi.
Russia's proposal for a joint, UK/Russian investigation into the Salisbury incident is perverse. It is a diversionary tactic, and yet more disinformation designed to evade the questions the Russian authorities must answer.