Pra što pisała «NN» 110 i 10 hadoŭ tamu
Maleč, kala Biarozy. Možam pachvalicca svajoj vołaściu. Hady try tamu nazad pop uziaŭ prysiahu ad parafii, kab nie pili harełki; mužyki sa dźvie niadzieli trymalisia, ale paźniej nanoŭ uzialisia za svajo. Tahdy mužyki, bačačy, što saŭsim źvieści pjanstva niama siły, dadumalisia choć pamienšyć pjanstva. Jany zrabili pryhavor u vołaści, kab nichto nie mieŭ prava pradavać harełku z domu — a tolki ŭ manapolcy; chto pradaść u chacie, toj płacić hramadzie štraf. I ciapier užo nidzie ŭ nas nie dastanieš z domu harełku. Ad hetaha pjanstva pamienšyłasia.
«NN». 25 krasavika 1908
Aman (nie OMON!) zabuduje try rajony ŭ sercy Mienska. Havorka pra kvartały ŭzdoŭž Janki Kupały i Čyrvonaarmiejskaj. 25 hiektaraŭ staličnaj prastory majuć namier zabudavać amancy. Pradstaŭnik inviestara — vykanaŭčy dyrektar dziaržaŭnaha hienieralnaha reziervovaha fondu Sułtanata Varyt Al Charusi — zapeŭnivaje, što heta buduć architekturnyja šedeŭry. Da prajektavańnia zabudovy centra Minska amanskija inviestary zaprasili adnu z samych znakamitych brytanskich kampanij — «Čepmien Tejłar».
«NN». 4 krasavika. 2008