Našy na čempijanacie Eŭropy!
Biełaruś – Turcyja – 2:0. Moładzievaja zbornaja Biełarusi pa futbole druhi raz u svajoj historyi vyjšła na čempijanat Eŭropy.
Moładzievaja zbornaja Biełarusi pa futbole druhi raz u svajoj historyi vyjšła na čempijanat Eŭropy. Siońnia našy chłopcy ŭ Barysavie reabilitavalisia za piatničny projhryš u Antalji Turcyi.
Paražeńnie ź likam 0:1 pakidała našaj kamandzie niebłahija šancy, ale imi jašče treba było skarystacca. Varta pryznacca, što ŭ pieršaj pałovie hulni hości vałodali pieravahaj, ale zabili našy. Na 38‑aj chvilinie Siarhiej Hihievič naviesiŭ z vuhłavoha, a Michaił Sivakoŭ udała padstaviŭ hałavu.
U pačatku druhoha tajmu žodziniec Ihar Šytaŭ udała syhraŭ na dabivańni — 2:0. Taki vynik całkam zadavalniaŭ kamandu Jurja Kurnienina. Turki rynulisia zabivać, i mieli niebłahija šancy. Adnak našy taksama byli blizkija da taho, kab lik zrabić bujnym.
Upieršyniu z 2004 hodu naša kamanda prabiłasia na kantynentalny čempijanat. Pieršynstva Eŭropy projdzie ŭ 2009 hodzie ŭ Švecyi.