Rasija pryhraziła abmiežavać uvoz biełaruskaj bulby
Pry praviercy śpiecyjalisty Raśsielhasnahladu vyjavili, što ŭ kancy sakavika pad vyhladam biełaruskaj pradukcyi z horada Stolin ŭ Bresckaj vobłaści na terytoryju Rasiei była ŭviezienaja 18-tonnaja partyja bulby jehipieckaha pachodžańnia. Pra heta havorycca ŭ paviedamleńni, apublikavanym na sajcie viedamstva.
TASS
Nieadpaviednaść, pavodle materyjałaŭ rasijskaj Fiederalnaj słužby pa vieterynarnym i fitasanitarnym nahladzie, była vyjaŭlena 30 sakavika na kantrolnym punkcie propusku Dałoscy ŭ Pskoŭskaj vobłaści. Na bulbu, jak udakładnili ŭ viedamstvie, byli vydadzienyja mižnarodnaja tavarna-transpartnaja nakładnaja, a taksama fitasanitarny siertyfikat Hałoŭnaj dziaržaŭnaj inśpiekcyi Biełarusi pa nasieńniavodstvie, karancinie i achovie raślin.
Adnak na častcy ŭpakovak praduktu śpiecyjalisty Raśsielhasnahladu, pa dadzienych słužby, znajšli markiroŭku, jakaja śviedčyła pra toje, što nasamreč bulba ź Jehipta.
U suviazi z hetym Raśsielhasnahlad, jak padkreślili ŭ viedamstvie, vykazaŭ «surjoznuju zaniepakojenaść». «U vypadku paŭtornaha vyjaŭleńnia padobnych vypadkaŭ Raśsielhasnahlad budzie vymušany ŭvieści časovyja abmiežavańni na pastaŭki ŭ Rasiju biełaruskaj bulby ŭ supravadžeńni biełaruskich fitasanitarnych siertyfikataŭ», - pryhrazili ŭ viedamstvie, zaŭvažyŭšy, što vyjaŭlenaja śpiecyjalistami partyja aharodniny ź Jehipta «ŭ metach niedapuščeńnia ŭvozu na terytoryju Rasijskaj Fiederacyi niebiaśpiečnaj pradukcyi z karancinnymi dla Rasii abjektami» budzie viernutaja Biełarusi.
