Tramp zaprasiŭ Pucina ŭ Bieły dom
U chodzie telefonnaj razmovy z prezidentam Rasii Uładzimiram Pucinym 20 sakavika prezident ZŠA Donald Tramp prapanavaŭ rasijskamu kalehu sustrecca ŭ Biełym domie, paviedamiŭ žurnalistam 2 krasavika na bryfinhu ŭ Maskvie pamočnik prezidenta Rasii Juryj Ušakoŭ. «Heta dosyć pazityŭnaja ideja», — adznačyŭ Ušakoŭ.
20 sakavika pres-słužba Kramla paviedamiła ab telefonnaj razmovie Pucina i Trampa, u jakim prezident ZŠA pavinšavaŭ prezidenta Rasii ź pieramohaj na vybarach. «Asablivaja ŭvaha nadadziena prapracoŭcy pytańnia ab praviadzieńni mahčymaj sustrečy na vyšejšym uzroŭni», — havaryłasia ŭ paviedamleńni Kramla. Ab mahčymym miescy praviadzieńnia pradstaŭniki Kramla i Biełaha doma nie paviedamlali.
Pakul padrychtoŭka sustrečy nie pačałasia, taksama paviedamiŭ Ušakoŭ. «Padčas telefonnaj razmovy sam Tramp prapanavaŭ pravieści hetuju sustreču. Paśla hetaj razmovy, jakaja była dziełavoj i kanstruktyŭnaj, adbyŭsia čarhovy zboj u našych dvuchbakovych adnosinach: vysyłka 60 rasijskich dypłamataŭ, zakryćcio hienkonsulstva ŭ Sietle», — nahadaŭ jon. Z času telefonnaj razmovy, 20 sakavika, kankretnych abmierkavańniaŭ padrychtoŭki vizitu nie viałosia, skazaŭ Ušakoŭ.
