Telegram nazvaŭ technična niemahčymaj pieradaču FSB klučoŭ šyfravańnia
Miesiendžar Telegram nie budzie davać FSB klučy šyfravańnia pierapiski, bo heta niemahčyma technična. Pra heta havorycca ŭ adkazie servisu na apaviaščeńnie viedamstva za podpisam advakata Dźmitryja Dynzie.
U adkazie tłumačycca, što karystalniki mohuć źviarnucca da dvuch typaŭ čataŭ u Telegram — «vobłačnaha» i «sakretnaha». Pierapiska praz «vobłačnyja» čaty zachoŭvajecca ŭ zašyfravanym vyhladzie ŭ niekalkich roznych miescach. U svaju čarhu abarona dadzienych, jakija pieradajucca praz «sakretnyja» čaty, jašče bolš składanaja.
Paviedamleńni, jakija pieradajucca praz «sakretnyja» čaty, nikoli nie zachoŭvajucca na siervierach. Samy znosiny praz taki čat pačynajucca z hienieracyi aŭtaryzacyjnaha kluča. «Z dvuch stvoranych častak kluča adna nikoli nie pakidaje karystalnickaj pryłady i nie pieradajecca ni pa jakich kanałach suviazi … Takim čynam, administratar servisu ŭ isnujučaj architektury ni pry jakich umovach nie maje dostupu da infarmacyi, jakaja daje mahčymaść dekadavańnia prymanych, dastaŭlenych i ci dastaŭlenych ź jaho dapamohaj elektronnych paviedamleńniaŭ», - rastłumačyli ŭ Telegram.
Takim čynam, vykanańnie patrabavańniaŭ pa paviedamleńni RKN «nie ŭjaŭlajecca technična mahčymym», padkreśliŭ Dynzie.
FSB 29 sakavika zapatrabavała ad miesiendžaraŭ i inšych arhanizataraŭ raspaŭsiudžvańnia infarmacyi ŭ dziesiacidzionny termin pieradać u słužbu klučy šyfravańnia. Zapyt u Telegram ab pradastaŭleńni klučoŭ šyfravańnia ŭ FSB Raskamnahlad nakiravaŭ 20 sakavika, daŭšy na vykanańnie 15 dzion. Takim čynam, termin, u jaki miesiendžar pavinien vykanać patrabavańnie, minaje 4 krasavika. U advarotnym vypadku, adznačyli ŭ RKN, viedamstva nakiruje ŭ sud pazoŭ z patrabavańniem abmiežavać dostup da Telegram.
