Recha 25 sakavika: aktyvistu zabaranili ŭjezd u Biełaruś na 5 hod, jaho čakaje departacyja
Rusłan Kanavałaŭ
Ranicaj 25 sakavika na čyhunačnym vakzale ŭ Baranavičach byŭ previentyŭna zatrymany aktyvist Rusłan Kanavałaŭ, jaki źbiraŭsia pryniać udzieł u śviatočnym mitynhu i kancercie ŭ Minsku, pryśviečanym 100-hodździu BNR.
Padčas pravierki dakumientaŭ vyśvietliłasia, što Rusłan maje hramadzianstva Rasijskaj Fiederacyi, a 90-dzionny termin jaho znachodžańnia na terytoryi Biełarusi jakraz zaviaršyŭsia.
Adździeł pa hramadzianstvie i mihracyi Baranavickaha RUUS pryniaŭ rašeńnie ab zabaronie ŭjezdu ŭ Biełaruś dla Kanavałava na 5 hod, a jaho da momantu departacyi źmiaścili ŭ izalatar časovaha ŭtrymańnia.
Rusłan dziasiatak hadoŭ žyvie ŭ Biełarusi, maje tut šmat siabroŭ i pracu. Z-za rasijskaha hramadzianstva byŭ vymušany raz na try miesiacy vyjazdžać u Rasiju, a zatym viartacca ŭ Baranavičy. Adnak pierad 25 sakavika nie zrabiŭ hetaha, i jamu pahražaje niepaźbiežnaja departacyja.