Va Ukrainie z pačatku hoda na adzior zachvareli amal 8,5 tysiačy čałaviek
Va Ukrainie za minuły tydzień na adzior zachvareli 712 čałaviek, z pačatku hoda — 8434 čałaviek. Pra heta paviedamlaje pres-słužba Ministerstva achovy zdaroŭja Ukrainy.
«Pavodle apieratyŭnych dadzienych Centra hramadskaha zdaroŭja Ministerstva achovy zdaroŭja Ukrainy, za 12 tydzień 2018 hoda zachvareli 712 čałaviek: 283 darosłych i 429 dziaciej. Usiaho za 12 tydniaŭ 2018 hoda na adzior zachvareli 8 434 čałavieki — 2 956 darosłych i 5 478 dziaciej», — havorycca ŭ paviedamleńni.
Adznačajecca, što z pačatku hoda ad uskładnieńniaŭ adru pamierli siem čałaviek — piać dziaciej i dvoje darosłych.
Bolš za ŭsio tych, chto zachvareŭ na adzior u Ivana-Frankoŭskaj (1760), Zakarpackaj (1513), Adeskaj (1139), Čarnavickaj (800), Lvoŭskaj (756) abłaściach. Mienš za ŭsio vypadkaŭ zachvorvańnia nazirajecca ŭ Łuhanskaj (4), Sumskaj (5), Charkaŭskaj (11) i Chiersonskaj (13) abłaściach.
U Ministerstvie achovy zdaroŭja taksama nahadali, što lekaŭ ad adru nie isnuje, i zaklikajuć baćkoŭ vakcynavać dziaciej.
