U Biełarusi jurydyčna zarehistravany Nacyjanalny ŭniviersitet imia Niła Hileviča
U Biełarusi jurydyčna zarehistravany Nacyjanalny ŭniviersitet imia Niła Hileviča. Pra heta było paviedamlena ŭ aŭtorak na pres-kanfierencyi, jakaja prachodzić u Minsku ŭ ofisie Tavarystva biełaruskaj movy imia Franciška Skaryny, paviedamlaje Jeŭraradyjo.
Jak stała viadoma, stvaralniki Nacyjanalnaha ŭniviersiteta pravodziać kansultacyi ŭ Ministerstvie adukacyi. Meta — atrymać licenziju i raspačać navučalny praces (a jon budzie vieścisia na biełaruskaj movie). Idzie praca nad stvareńniem struktury VNU. Rektaram budzie Aleh Trusaŭ, były kiraŭnik TBM.
Jeŭraradyjo pacikaviłasia ŭ Trusava, ź jakich krynic płanujecca finansavać univiersitet? Pavodle jaho słoŭ, patrebna 7-8 miljonaŭ dołaraŭ. Častka hrošaj pastupić ad studentaŭ, inšaja častka — «unutranyja i zamiežnyja hranty». Pa słovach Trusava, płanujecca, što ŭ dacentaŭ zarobak budzie składać nie mienš za 500 dołaraŭ.
