Lavon Volski daŭ kancert da 100-hodździa BNR FOTA, VIDEA
24 sakavika ŭ minskim kłubie «Bruhhie» Lavon Volski daje kancert da 100-hodździa abviaščeńnia niezaležnaści BNR. Muzyka anansavaŭ jaho napiaredadni ŭ sacsietkach, i pieršyja 600 čałaviek, jakija paśpiejuć zarehistravacca, traplali na kancert biaspłatna. Miescy skončylisia za hadzinu.
Na pačatku kancerta Lavon Volski pavinšavaŭ usich sa śviatam i zaprasiŭ zaŭtra prychodzić da Opiery.
Za krychu bolš čym hadzinu prahučali amal usie chity časoŭ NRM: «Lohkija», «Try čarapachi», «Pavietrany šar», «Katuj-ratuj», «Miensk i Minsk». Kulminacyjaj kancerta stała pieśnia «Partyzanskaja», padčas jakoj kala dziasiatka bieł-čyrvona-biełych ściahoŭ źjavilisia ŭ zale.
Volski zaśpiavaŭ i novuju pieśniu «Hieroi nie pamirajuć», składzienuju da 100-hodździa Niezaležnaści.
Videa radyjo «Svaboda».
Adrazu paśla vystupu kalektyŭ źjechaŭ ŭ Biełastok. Tam hurt vystupić na śviatkavańni 100-hodździa BNR, jakoje ładziać biełarusy Padlašša. U hety ža dzień Volski voźmie ŭdzieł u kancercie la Opiernaha teatra ŭ Minsku praz telemost.
